كل حاجة لها أول مرة و بعد أول مرة الشدة بتنكسر... يوم ٩ أكتوبر كان يوم من الايام اللي شهدت فيه أول مرة في حاجات كتير أوي
أول مرة أنزل من بيتي اركب العربية و أقول قل لن يصيبنا إلا ما كتب الله لنا و أتشاهد
أول مرة أسمع صرخات ناس بتواجه الموت
أول مرة أشوف جثث
أول مرة أشوف ناس سايحة في دمها
أول مرة أشوف بني آدم مدهوس
أول مرة أشوف مصابين بطلق ناري
أول مرة أجري من عساكر بتضرب رصاص حي
أول مرة أقف و تحت رجلي قنبلة غاز و ماخفش و استمر في التصوير
أول مرة أقابل أب لسة شايف ابنه تحت عجل مدرعة
أول مرة أجري من بلطجية ماشيين بعصيان
أول مرة اقفل الكاميرا و أقعد على الرصيف أبكي من الحزن و القهرة
أول مرة أفكر أمسك طوبة و أحدفها (يمكن المرة الجية تبقى أول مرة احدف طوبة :) محدش يعرف)
أول مرة أشوف مدرعة بتحاول تهاجم متظاهرين
أول مرة اشوف بطل بيتصدى للمدرعة و كل سلاحه هو علامة النصر
أول مرة أشوف الناس بتوقف عربيات أمن مركزي بالطوب
أول مرة أقول جملة "اللي ماتوا أحسن مني في إيه"
I got Goose bumps after I read this..I dont know whether to be sorry that you had to go through all this or no because for me, I wish I was there to witness all that so that I would never forget how the world has become an ugly place and see the truth for myself without having to watch people feeding my mind and many others' with bull shit that I have to reach a point where I am lost and dont know who to believe. I cant even imagine how it was like for you out there seeing all that..Im so sorry and as much as this recent feelings and thoughts are breaking my heart, I am starting to feel like I dont want this to be my country anymore..as much as I am madly in love with it yet I can not stop myself from hating it.Nesma
ReplyDeleteNext time i am coming with u !! It will be my 1st time ..
ReplyDeleteودي أول مرة ليا برضه أدخل مدونتك، وأفاجأ بالأسلوب الرائع ده، لكن أكيد مش هتبقى آخر مرة، دمت متميزة
ReplyDelete