مبنلحقش نعرفهم!
كريم خزام كتب تويتة واحدة.. يا ترى لو ربنا كان كتبله عمر كان هيقول إيه غير "المجد للأحرار الثابتين على الأفكار"؟!
محمد مصطفى كان بطل تنس... يا ترى كان ممكن يكسب كام بطولة لو مكانش إتضرب بالرصاص؟
عصام عطا كان في السجن... معرفش حتى كانت تهمته إيه! يا ترى لو مكانش مات من التعذيب كانت حياته هتبقى شكلها إيه؟
أنس محي الدين كان كله على بعض عمره ١٤ سنة.. يا ترى كان نفسه يبقى إيه لما يكبر؟
مينا دانيل كان له ضحكة تنور بلد... يا ترى كان في كام بنت واقعة في غرام ضحكته؟
مايكل مسعد كان خاطب... يا ترى كان نفسه يخلف كام بنت و إبن؟
الشيخ عماد عفت كان له أربع أطفال.. يا ترى كان بيدلعهم يقولهم إيه؟
يا ترى الشهداء اللي مبنعرفش اسمائهم عشان غلابة و الإعلام مش مديهم حقهم كانوا بيحلموا بإيه و مالحقوش يحققوه؟
Photo Credit: Mosaa'b El Shamy @mosaaberizing
No comments:
Post a Comment