Monday, May 16, 2011

ده إللي قدرت عليه؟ تهجرني و تتحداني؟


عمري ما هنسي لما مديحة صحتني على خبر إن الجيش نزل الشارع يحمي الثورة! و عمري ما هنسي لما شفت الفيديوهات بتاعت الناس و هي بتهتف الجيش و الشعب أيد واحدة لأول مرة! ولا الناس اللي طالعة على الدبابات عشان تبوس العساكر و تتصور معاهم! 

بس برضه عمري ما هانسه اللي سمعته بوداني يوم 9 إبريل ولا اللي حصل لرامي عصام و غيروا من تعذيب ولا البنات اللي تم إنتهاك حرمتهم ولا مايكل نبيل ولا عمرو البحيري ولا هانسي القرطاس اللي خدناه بعد الإستفتاء أما إستفتونا في سبع عشر حاجات و غيروا سبعين من غير ما ياخدوا رأينا  ولا هنسي اليوم اللي الجيش سمح فيه إنه يتم ضرب نار على متظاهرين مدنيين عزل و يصيب واحد في راسه و واحد في بطنه كنموذج للاصابات عشان إتجرأوا و اتظاهروا قدام سفارة إسرائيل! وكما نقلت الرواية ان المتظاهرين خدهم  الحماس و حاولوا يقتحموا مبنى السفارة في أي حل من الأحوال لا يجوز إستخدم هذا النوع من العنف اللي ممكن يؤدي لموت بعض المصريين! هو الجيش والشرطة دول مصروف عليهم دم البلد عشان يبقوا مايعرفوش يعملوا أي حاجة غير انهم يقتلوا؟ مفيش تدريب على فض الإعتصام أو فض الإشتباك بالقوة دون الحاجة لإستخدم السلاح؟ بالذمة يعني؟ يرضي مين ده بجد؟ 

أنا فعلا مش فاهمة مدى غباء اللي بيصدر الأوامر دي؟ هو كان مغيب مش عارف إنه في ثورة كاملة قامت عشان الظلم والعنف و معاملة الشرطة للشعب على إنه قطيع من البهايم؟ تاني؟ هنعيدوا تاني؟ هرجع اكتب كلام ضد الجيش ذي ما كنت بكتب ضد مبارك و ضد الشرطة أو ضد كل ظالم مش مدي للمصريين حقهم الكامل في الحياه كا بني أدمين؟ طب الواحد كان مخه فين أما مبارك المخلوع قرر تسليم السلطة للمجلس العسكري؟! يعني ايه أساساً؟ يعني احنا نثور و الناس تموت عشان هو بروح أمه يقرر مين يحل محله؟ طب و مين بقى المجلس ده؟ دلاديل مبارك؟ بأمارة ايه بقى؟ 

رجعنا تاني لزمن التحكم في الإعلام و إعتقال النشطاء و تعذيب بس مبقاش بقى فالأقسام ده كمان في المتحف المصري! المكان المقدس اللي الناس بتيجي من كل بلاد العالم تشوفه و احنا بناخد العيال جواه نحط السيخ المحمي في صرصور ودانهم!! عملنا ثورة و طلع عين أبونا عشان الواد يكتب عن تجاوزات الجيش فا يتحبس ثلاث سنين و يتحاكم في غياب المحامي بتاعه كمان! أنا بجد مش مصدقه اللي احنا فيه! 

و من عجايب الدنيا السابعة بقى هي بجاحة أم الداخلية!! بقى سايبين البلد تضرب تقلب يا ولاد ستين جزمة و الناس تتقتل و تتقلب يمين و شمال ثلاث شهور  و فالحين تبعتم أمن مركزي يضرب غاز مسيل للدموع عشان تحموا سفارة الصهاينة؟ 

ما هي حاجة من الاتنين.. يا نطاطي راسنا للمجلس و نسجدله ركعتين شكر كل يوم و نسمح للفساد يرجع ذي أيام مبارك يا نلحق نفسنا والفرصة لسة موجودة! حرام علينا و عيب علينا اننا نسيب حد يستعبدنا تاني! حرام علينا و الله!! ده مفيش واحد... واحد يوحد ربنا غير العادلي اللي مبارك ضحى بيه من أول يوم هو اللي خد حكم و حتى في قضية متفرقلناش أوي ذي مثلاً قتل الثوار ولا خالد سعيد! يا ناس حرام عليكوا احنا بيضحك علينا!! 

أنا هروح أنام! تصبحوا على وطن حر!
"Those who deny freedom to others deserve it not for themselves." Abraham Lincoln


3 comments:

  1. I totally agree with you in many aspects, however I'm 100% against protesting at the dogs embassy at this time where thousands are waiting for an opportunity to destroy Egypt's revolution, I don't see one benefit in protesting at the embassy rather than at tahrir, on the other hand protests are giving el felool a golden opportunity to harm the revolution which leads us to the second point, how dangerous is it to break into an embassy, an embassy is considered part of its country, where breaking in is equal to trespassing the borders where their guards would have the right to shoot at sight and kill Egyptians without the slightest possibility of being blamed, and I guess this is why the army was brutal yesterday, on a personal level I prefer Egyptians being shot (not killed) by their own forces than being killed by Israeli bullets.
    I'm against having dogs embassy here and I'm with standing with Palestinians before being asked "what have you done to your brothers and sisters" and I'm not saying that we should wait until economy boosts and bla bla, but at least wait until the revolution succeeds.. as it hasn't yet. I'm a fan of yours on twitter btw ever since I read your tweets during the revolution time.

    ReplyDelete
  2. Anonymous 1: Thanks for the kind words.. U're the first person 2 declare themself as a "fan" :D which is cool! I hope u continue 2 follow me..

    I am with u on the point that it is not time.. I wasn't for protesting and "za7f" movements during these times but if we want democracy we should learn 2 respect each others different decisions and priorities.

    There is a quote that I love by Voltaire 'I disapprove of what you say, but I will defend to the death your right to say it, so no matter how I disapprove of what they r doing I will forever fight for their rights to do it without any endangerment to their lives!

    The fact that people were shot, injured and possibly killed by citizens of their own country is to me a 100 times more outrageous and horrifying than if it had been on the hands of others such as Israeli..

    Anyway,,, what happened happened :)

    ReplyDelete