وصلت لمرحلة الزهق.. خلاص زهقت من الثورة.. الضغط النفسي المستمر تعبني خلاص بجد مش قادرة استحمل أكتر من كدة.. عايزة أرجع أمريكا و أنسى السنة دي بكل أوجاعها و حزنها و قرفها!!
بتراودني فكرة تغيير المسار تماماً (Career Shift) و هي دي تبقى البداية الجديد لجملة جديدة و السنة اللي اشتغلتها كصحفية فيديو رغم انها كانت سنة مجنونة و صعبة و اتعلمت فيها كتير تبقى ماضي و إنتهى..
وصلت لمرحلة الخنقة... الحياة هنا فعلاً تعبتني.. ماكنتش متخيلة إني بعد الثورة هرجع لنفس النقطة اللي كنت عندها قبل الثورة لما سافرت! سافرت و أنا شايفة الطريق قدامي ظلمة.. و كل حاجة مقفلة.. و مش مقتنعة إن في أمل لحياة كريمة محترمة... رجعت لقيت نفس الوضع هو هو.. طب أعمل إيه؟ أمشي تاني؟!
يا رب الثبات من عندك..
والله انا بعيش نفس المشكلة ميعاد اجازتى ورجوع الى امريكا يوم 20 ومش عارف افضل فى امريكاومارجعش مصر تانى مش عارف شعور فظيع بالاحباط والكلمتين بتوعك لخصوا كل حاجة
ReplyDeleteجرب صلاة استخارة كدة؟
ReplyDeleteانت يا ست ، السنة اللي انت اعدتي فيها هنا ، اكيد ضفتلك حجات كتير ، لان اعتقد ان الجيل بتعنا كله اتغير ، اللي في بلدنا عمرة ما هبيتغير في سنة ، لان كل حاجة بيظة ، ويمكن من غير تشائم مشهنشوفه النتيجة ، زي كدة لما ننضف البيت ، هيطلع علينا كل التراب والحشرات ، يمكن ولدنا هي اللي تعد في البيت النضيف ، بس لازم نستمتع اننا سبب في التغيير ، متيأسيش ومتسبيش بلدك ، لان احلي احساس هو التعب مش انك تعدي في قصر نضيف وخلاص انت متعبتيش فيه ، بكرة هنحكي لولدنا على الثورة ، زي ما اهلينا بيعدوا يشلونا على حكايات الحرب
ReplyDelete