Monday, October 10, 2011

شهادتي عن أحداث ماسبيرو ليلة ٩ أكتوبر ٢٠١١ Maspero Massacre Testimonial

أنا وصلت بعد ما المدرعات دهست المتظاهرين و تم إطلاق النار بالظبط بيمكن ١٠ دقائق... كان في حالة هلع، صريخ و بكاء هستيري من السيدات و الاطفال و قابلت راجل عجوز بيبكي بحرقة و كل اللي نازل عليه "ابني مات.. داسوا على ابني" و كان في شاب بيصرخ "ضربوا بيتر.. أخويا بيتر راح"  و كان في مصابين كتير شفتهم بعد ما العساكر ضربوهم كان في اصابات في الرأس و اصابات في طلق ناري كتير و ناس سايحة في دمها و مش عارفين يروحوا بيهم فين و العربيات رافضة طبعاً تقف تاخد أي من المصابين.. 

جثث الشهداء كانت محطوطة في عمارة أو جراج أو يمكن في الاتنين بس أنا شفت منهم اتنين.. كانوا استغفر الله العظيم مدهوسين تماماً و الملايات لونها أحمر من كتر الدم و يعني حاجة صعبة جداً الله يصبر أهلهم على ما ابتلاهم.. 

المتظاهرين ورولي أكثر من رصاصة من الرصاص الحي اللي اتضرب بيه المتظاهرين و أنا شفت ناس بتنزف من رجلها و بطنها بس كان في أزمة في الاسعاف من ناحية قلة العدد و خوف الاهالي على إعتقال ابنائهم داخل الإسعاف

تعليقات أغلب الاقباط كانت حالة الغضب العارم تجاه المجلس العسكري و عدم تحميل الإسلام كدين أي إتهام حتى راجل قال لي "لو انهم يقتلونا و يدهسونا و يبيدونا ده مكتوب في القرأن مش هنقول حاجة انما ده مش الإسلام.. الإسلام مش كدة" و كان في واحد بيقول "ده مش طنطاوي ده هيتلر دي عملية إبادة جماعية"

بعد فترة بدأ الجيش في الظهور تاني على كوبري أكتوبر و حدف الطوب و قنابل مسيلة للدموع على المتظاهرين.. في الاول المتظاهرين جريوا لاكن بعد ٥ دقايق اتجمعوا تاني و بدأت معركة الطوب و بدأت القنابل المسيلة للدموع بغزارة من إتجاه الكورنيش و من إتجاه الهيلتون و فجأة مدرعة تانية جريت في إتجاه المتظاهرين المتجمعين اسفل الكوبري و وقف أمامها شاب رفع علامة النصر و في أقل من ثانية جري معه شباب تانيين و وقفت المدرعة و رجعت للوراء

بعديها الغاز زاد أوي و في قنبلة وقعت أمامي فتعبت و قررت أرجع تجاه التحرير فوجئت بعربية حريق تابعة للجيش متحاصرة من المتظاهرين و تم الإعتداء على السائق لاكن أغلب المتظاهرين هتفوا لأ لأ لأ و انقذوا السائق في الاخر 

بعد فترة بدأت المعركة تنتقل إلى ميدان عبد المنعم رياض و الجيش إختفى و اللي كانوا بيهاجموا المتظاهرين كانوا ناس لابسة مدني و ممكن بكل ثقة أقول بلطجية لئن كان معاهم طوب جاهز و ظهروا من الهوا و طبعاً المتظاهرين للدفاع عن النفس بدأوا يكسروا في الرصيف عشان يردوا على الإعتداء و كان في ناس تحت الكوبري و ناس فوق الكوبري بتهاجمهم و إستمر الوضع ده فترة و فجأة حصل أغرب شيء إن الناس دول اللي كانوا بهاجمونا بدأوا يهتفوا "الشعب يريد إسقاط المشير" و بعديها المتظاهرين بكل سذاجة و أنا اسفة اني بقول سذاجة بدأوا يهتفوا سلمية سلمية و الناس البلطجية بدأوا يتراجعوا ناحية ماسبيرو تاني و المتظاهرين وراهم بهتاف مسلم مسيحي أيد واحدة

رجعنا تاني جانب الهيلتون و كان في تبادل طوب ما بين الجيش و المتظاهرين يعني كان زي فخ تعبان لكن عدد المتظاهرين خلا الجيش يرجع تاني تحت ناحية مبنى ماسبيرو و قدرت أقرب لمدة ١٠ دقايق شفت كمية عسكاير جيش و أمن مركزي مش طبيعية تحت الكوبري.. في الوقت ده كنت على كوبري أكتوبر نفسه و لقيت من بعيد ٤ مدرعات أمن مركزي بيقربوا و طلع المتظاهرين يجروا عليهم و حدفهم بالطوب و بدأت المدرعات في الرجوع و محاولة الهروب لاكن واحدة منهم إتحشرت في الرصيف و المتظاهرين حاولوا يفتحوا الباب و ينزلوا العساكر لكن قدروا يهربوا بسرعة و يرجعوا تاني مطرح ما جم

رجعنا التحرير و كان هناك في إشتباك حاصل ما بين الجيش و المتظاهرين اللي كانوا قرروا الرجوع للميدان و كان في ضرب غاز مسيل للدموع أكتر من اللي في ماسبيرو و حاولنا نروح للعربية من شوارع جانبية لاكن فوجئنا بإن الجيش موجود في كل الشوارع الجانبية و مانع السيارات و الناس من المرور سواء للميدان أو للخروج بعيد.. سألت العسكري ليه يعني أنا عربيتي قريبة قالي والله مالناش دعوة إتصرفوا

فضلنا مش عارفين نعمل إيه و بعدين لقينا حارة دخلنا فيها و فضلنا نطلع في شارع ندخل في شارع لحد ما وصلنا الشارع الموازي لمحمد محمود مش فكرة إسمه إيه و كان في متظاهرين كتير متجمعين هناك و امامهم قوات جيش مهولة و مرة واحدة الجيش بدأ يضرب نار و يجري علينا و جرينا لحد قرب ميدان طلعت حرب و في الأخر الجيش رجع و تقريباً كان بيحاول يخوفنا

بعد فترة وصلت العربية الحمدلله و رجعت بيتي و ده رابط للفيديو اللي أنا صورته النهاردة VIDEO - أحداث ماسبيرو

My testimonial regarding the Maspero Massacre

 I arrived right after the APCs had run over some protesters and there was ongoing gunfire.

It was chaotic, women screaming, families running away, a lot of wailing and crying, I met an old man, old enough to be my grandpa sobbing “My son is dead, the truck ran over my son.. Where is my son” and a young man who was screaming at the top of his lung “PETER, MY BROTHER PETER IS GONE, I WANT MY PETER”.

I saw many injures, head injuries of those beaten with sticks, gunshot wounds, the ones I remember are a man shot in his stomach and another in his leg, they were bleeding… protesters showed me the bullets they kept as evidence, blood was everywhere and they were struggling with all the injured because there were no ambulances yet and passer by cars were not stopping to help.

The bodies of the dead were kept inside a garage behind the Hilton and inside the entrance of a building. I saw two bodies only when they ambulances arrived and they were being carried away in bloody sheets. They were crushed; I couldn’t make out their features…

A short while after, the army reappeared on the October bridge and began throwing rocks at protesters who responded with rocks as well and in a matter of seconds excessive tear gas bombs where exploding from different directions and all of a sudden another green police truck came speeding down the street but a group of young men formed a line in front of it forcing it to stop while others threw rocks at it and it retreated back.

I decided to run back to Tahrir Square for some fresh air and on my way back I saw an army fire truck cornered by an angry mob of protesters who forced the driver out and started beating him, but some others intervened chanting NO NO NO and saved him.. I saw two other men escort him away.

The fighting soon moved from Maspero to Abdel Moneim Riad Square but the odd thing is that the army was nowhere to be seen, the fighting was between some protesters (Some of whom I personally know) and other civilians who were throwing rocks and Molotov cocktails and as I was informed “Protecting the army from the Copts”. They were thugs because they came armed with rocks and the fireballs were ready… the protesters on the other hand had to break the pavements to get rocks to fight back.

Suddenly, the strangest thing happened and anonymous attackers began chanting “The people want to topple Tantawi” and began marching back towards Maspero, what was even more weird was how the protesters fell for the obvious trap and started cheering “Selmeya – selmeya” which is Arabic for peaceful and followed them.

As soon as we arrived back at Maspero, the rock fight ensued this time between the protesters and the army, whom had enough time to advance in the street… but the massive number of protesters forced them to run back towards the Nile Corniche.

I walked up the October bridge and then down the other side where the army was… their numbers were shocking, you couldn’t see where the ended, but then as I walked I saw 4 or 5 CSF trucks driving towards the protesters but they were of course stopped as protesters rushed at them throwing rocks and hitting the trucks with sticks. One of them got trapped in a pavement and the protesters almost managed to get the soldiers outside but they managed to escape driving back to where they came from.

Decided to go home, reached Tahrir square only to find another clash between protesters and the army… The tear gas was unbearable so I went into a side street which was blocked by army soldiers who refused to let anyone, pass, so we went to another street and kept taking short cuts till we ended up by Talaat Harb Square and at the end of the street we saw many protesters gathered and close to them some army soldiers, as we started getting closer the army started shooting again and everyone started running but as I looked back the soldiers were not chasing… they were “scaring us away” probably.

Below is a link to the video I filmed that night:


2 comments:

  1. أشكرك على شهادتك .. و أعتقد إن كلامك فعلا حقبقى لأنى شفت أحداث مصورة تدل على صحة معظمه
    شكرا ليكى مرة تانبة

    ReplyDelete