فكروني كدة الثورة قامت ليه؟ تغيير.. حرية... عادلة إجتماعية؟ تغيير.. حرية.. كرامة إنسانية؟
احنا فرحنا بدري.. أو على الاقل أنا شايفة كدة... تخيلنا إن تنحي مبارك هو قمة الانتصار.. و معذورين لئن الصراحة احنا مكناش نحلم بكدة أو معظمنا مكانش يحلم بكدة و لحد جمعة الغضب كان الموضوع كله زي حلم أو حاجة ماحناش فاهمين هي ايه ولا لسة مستوعبين هتودينا فين
خلصنا من مبارك و بكل ذكاء و حكمة استبدلناه بمجلس من أقرب رجاله و أكثرهم ولاء ليه... في ناس مننا صدقوا وعود العسكر و في ناس شافت إن ده قمة الهبل بس نشوة الانتصار المؤقت و صوت الهتاف الخايب بتاع الجيش و الشعب أيد واحدة كان أعلى من إننا نسمع التحذيرات بتاعتهم من تصديق وعود العسكر اللي فعلاً ينطبق عليهم مقولة حاميها حراميها
بدأت الانتهاكات تزيد، من تعذيب وضرب لكشوفات عذرية و هتك عرض لقمع حرية الرأي و حبس المدونين أمثال مايكل نبيل لحد المحاكمات العسكرية للمدنيين و أخيراً مد قانون الطوارئ و يا ريت هتقف عند كدة ده لسة العسكر هيركبونا أكتر و يدلدلوا رجليهم.. و مش هما بس... بع بع الداخلية بيحاول يرجع بنفس قوته و أنا شايفة إنه لحد دلوقتي شغال زي الفل...
الثورة قامت يوم ٢٥ يناير مش من باب الصدفة.. الثورة قامت يوم عيد الشرطة لئن الشرطة كانت العدو الأول للشعب... التغيير كان مقصود بيه تغيير النظام و تغيير إسلوب المعاملة و تغيير كل ما يمت للظلم و القهر بصلة... لاكن للأسف بسبب البطء في أخذ مواقف قانونية ضد كل شرطي فاسد و عقابهم بل بالعكس ده رجال الشرطة اللي قتلوا ثوار السويس أخدوا افراج أو اجازة الصيف و رمضان و العيد برا السجن على أساس انهم يرجعوا يوم ١٥ سبتمبر و مسمعناش لا حس ولا خبر... ده حتى المجرم اللي قتل خالد سعيد من سنة و شوية.. لحد اللحظة دي مخدش عقابه اللي هو القصاص العادل إللي ربنا سبحانه و تعالى أمر بيه..
و دلوقتي نبص نلاقي فيديو زي ده (إضغط للمشاهدة) لمواطن تم انتهاك عرضه في قسم في الاسكندرية..
لحد امتى هنفضل نتهان بالشكل ده؟ محتاجين نعمل كام ثورة عشان يعرفوا إن الأسلوب ده مش هينفع نستمر بيه للأبد؟ أنا زهقت، زهقت و تعبت و اللي مجنني إن هما بيلعبوا على اننا نفقد الأمل و مش قادرة اني أسمحلهم ينتصروا عليا... راح مننا ألف روح، ألف بطل، ألف مصري عشان نعيش بكرامة و أنا اسفة اني هقولها بس احنا خذلناهم... أنا مش عارفة في إيه أكتر من كدة ممكن يتعمل... المساندة الشعبية للثورة بتقل يوم عن يوم و مش عارفة ازاي ممكن نرجعها...
لو حد عنده إقتراحات مفيدة أو شايف الأمور بشكل أبسط يا ريت يقول
الامور مستحيل تتشاف بشكل ابسط لكن ممكن تتشاف بطريقه اكثر ايجابيه..بطريقه تخلينا نشتغل ونحسن بدل ما نحبط ونكتئب....تانى وتالت ورابع...محتاجين ثوره اخلاقيه..محتاجين نقرب من الملايين من ضحايا النظام الفاسد ونعرفهم يعنى ايه حياه كريمه...يعنى ايه كرامه وعزه...ماينفغش نصلح لوحدنا.ى.محتاجين نغير فكر واسلوب حياة اللى نقدر عليهم وهمه حيساعدونا على التغيير...عمرك شفاى حد بيشفى من السرطان فى يوم؟
ReplyDeleteأنا كل ما احس بالاحباط ارجع اتفرج على الفيديوهات القديمة بتاعة المظاهرات الصغيرة قبل 25 يناير ولما اشوف ازاى العدد كان بيبقى قليل بالعشرات تقريباوحواليهم مئات من الامن المركزى وازاى انه اكتر الناس من الشعب المؤيدة لهم لم تعطيهم اكتر من نظرات الشفقةواقارن ده باصغر مظاهرات بتتطلع انهارده تتركنى حالة الاحباط على الفور واتبقن ان النصر قادم لا محالة برغم كل الصعوبات والتحديات التى لا يمكن انكارها.احنا هنشتغل وهننحت فى الصخر واثقين انه فوق كل قوى الاقوى الله جل جلاله.
ReplyDeleteI have an idea but don't know how effective it might be. We need to get people support the revolution again, so we should give them a reason. Let's start step 2 which is building the country but without dealing with the government. ya3ni let's masalan ne3mel hokoma 3ala twitter w el facebook and start masalan ne3mel projects (el paperwork of an idea). Brainstorm and reach a conclusion a when the idea is done, we start putting it into action w el gad3 will try to stop us. Bas try to make everyone a part of it, and teach and learn everyone how to manage and reach a good project.
ReplyDeleteAs for the pigs of the MOI and SCAF, we need to deal with them very smart, let them win now and lose later, stop running into them, and let's see what will happen. we r fighting for freedom and it takes us to ignore aw postpone, (3eesh and 3adala ektema3eya) so let's play it the other way round and see what would happen. el moshkela en everyone is expecting the 85 million Egyptian would do the same thing, say the same talk, revolt together bas what if u told everyone, u r doing a great job in ur place bas u need some modification like.... blah, blah, blah to support our revolution. so I think everyone will work and so u have everyone with u on the ride. w Be optimistic, we r on the right track and u will see. :D :D